Free songs
Home / Sastra / [Syaer Gayo] Setie Lao ni Ine

[Syaer Gayo] Setie Lao ni Ine


Oleh : Erwin Konadi

Sunguh buetni ine
Gere berede wan porak bedetang
Laoh musempur muneroco

Wan perempusen i rebe
Buet muserbe sabé iarang
Urum ama murum setie
Ngenal repie kin semayang

Semangat musuen wani dede
Kin jantung limpe enti kire kurang
Basa rum até jeroh murike
Anak nerime lepas munerawang

Jep lao basa ejer mutenge
Atan denie kati mutatang
Ahératpé gere penah ble
Kutengku idemé suluh siterang

Anak ikaulen osah belenye
Wan ruje balutni oros ilang
Gere osahé mulapé nisé tuke
Gingné upuh tue sabé ikerlang

Putih pedi aténi jema tue
Ama ine sabé berjuang
Anak munérah enti nosah luke
Gelah mulie berkasih sayang

Letihni uyet remuk rembege
Sabé nerime bier mugulang
Semahni anak nemah até gure
Kati jep lao atéwé senang

Budi jasa gere terkire
Beles rum repie gere penah setimang
Do’ani anak amal saleh enti lupe
Oya sipemule jep mari semiyang

Inengku….. Inengkuu……
Inengkuuu…… Sayaaang. [SY]

2017

Comments

comments

Install Lintasgayo for Android Smartphone

Leave a Reply

Your email address will not be published. Required fields are marked *

*

Scroll To Top