Free songs
Home / Sastra / Denem Berkah Kite Munyatu

Denem Berkah Kite Munyatu


[Puisi Gayo] Denem Berkah Kite Munyatu

Oleh : Isya Andika*

Mejen aku lalé gere terukur sehinge delétu gelas si mupecah
tangké si mutéwah, orom cerak salah luah

mejen kerna karuku oloktu naos lucu
si kerna mungkin kendali ni rembege awamtu besebuku

Kin derhal ni délah, tangkap ni rupemu rupen ken sara ikot penyenang natéku
senang kerna gaéhé kunul belembuku
ari lemut ni tutur ringkel peden né sawah ku muk-muk ni ulu
delé ni surak sebuku si nge berjelen sarapé gere ara sawah ku tujuen
sehinge timul kedik ni kerudik bisik sisu ari kiri kuen

Gere ari kerna mokoté aku pukekelpoh
renye kona recak rencana wan panyang upuh
tapi ari kerna denemku nge musara sagi
sawahé kati nguk atéku murai
ari kerna paitté nge kin lungi
sawahé kati nguk temas naos kupi

Kadang caraku mutauk gere oloktu kin tempuh ni bibir
pumungku gere oloktu pané kin rilah ni sutir
tapi harapku buge sawah ringkel kekiren si malé ilen berjelen
orom si enge kin tempuh luah wan sara arah

Do’aku tetap wan lingang kite munyatu
lemem naos cerite orom até mugerutu
lemem naos tingkah orom langkah wan berakah
kati nguk irasa payah mupaédah

iosah Ilahi Rabbi sebeb musebeb si muberkah. [SY]

Isya Andika, lahir di Kp. Kepies Ijo, Kec. Permata, Bener Meriah 28 Agustus 1992. Bekerja sebagai tenaga sebagai staf administrasi Dinas Lingkungan Hidup Kab. Jember (Jawa Timur). Alamat Jl. Sriwijaya Blok BB No 14 Jember.

Comments

comments

Install Lintasgayo for Android Smartphone

Comments are closed.

Scroll To Top