Sastra Terbaru

Emun

[Sastra Gayo] Yusuf Alfoba Kenawat
Emun
ko ke kedut, ko ke nami, ko ke uren

ko teridah i langit, ko teridah i bumi
musalup wan ni waih muselgép wan ni baur

turun turun ku bumi mujadi bengi

Emun…
isi tonén ko bintang, isi tonén ko ulen
wan pötih item ules ni langit

Emun
kupanangi ko i atas ni langit i tumpuk ni bumi
osopmu isineri lao
beluh mu iemusni kuyu

Emun..
sikubetih gegur tene malé uren
kilet sar sur gere tentu mujadi

Emun..
ike mata ni waih asa ari lapis ni bumi
senuwen öbuhé lemi uyetpé remamo
bierpé terkadang item warnamu teridah i matani
turun ku bumi mujadi suci

Emun
urumen akupé lagu ikhas tulusmu
ari amur ni lauhku oya le jujur sikubetehi.[SY]

Oktober, 2015.

Ilustrasi-Puisi-Emun.-Foto.-Aman-Renggali.
Ilustrasi-Puisi-Emun.-Foto.-Aman-Renggali.

Comments

comments